ALIYEMSHTAKI ASKOFU GWAJIMA AFAHAMIKA

Hatimaye imefahamika kuwa mwananchi anayejulikana kwa jina la Abubakar Yusufu, mkazi wa Kiluvia wilaya ya Kisarawe, ndiye aliyefungua kesi polisi akilalamika kukwazwa na lugha iliyotumika na Askofu Gwajima dhidi ya Askofu Mkuu Kanisa Katoliki jimbo kuu la Dar es Slaam, Kardinali Pengo.

Jana polisi walipanga kuendelea kumhoji Askofu Gwajima hata hivyo walilazimika kuahirisha mahojiano hadi tarehe 9-Aprili kufuatia hali ya Gwajima kutokuwa ya kuridhisha.

Askofu Gwajima alifika kituo cha Polisi cha Kati akiwa katika baiskeli ya kusukumia wagonjwa ambapo kutokana na hali yake kiafya kutokuwa nzuri alishindwa hata kupandisha ngazi.